Vawiin khan D.A.O. Conference Hall, Siaha-ah Agriculture Technology Management Agency (ATMA), Siaha District chuan Skill Training of Rural Youth (STRY) hnuaiah thalai mi 15 tan Pa Khawi dan (Mushroom Production Techniques) training a buatsaih. He training hawnna inkhawm hi Dr. R. Zosangkima BTM, Siaha Block chuan a kaihruai a ni.

Vawiin Skill Training hawngtu khuallian Pu Zoramthanga DAO, Siaha chuan thu sawiin,  Pa khawi chu eizawnna tlak a nih thu leh Pa khawi kan duh a kan tum tak tak chuan mi thiamte kan rawn hmasak a ngai a, he training na a kan zir bak pawh office lamah te pawh rawn zawtzel ula,  in tan tanpui kan inhuam reng a ni, a ti.  Vawiin trainees te chu duhsakna a hlan hlawm a ni.

Pi Elizabeth B. Khaimeichho, Project Director, ATMA chuan vawiin training an buatsaih chhan leh STRY thil tum leh ruahmannate sawiin, trainees te hnenah fuihna thute a sawi bawk a ni.

Vawiin training hi Resource Person Pi J. Vanlalhluzuali Scientist, KVK  chuan Pa khawi leh enkawl dan hrang hrang zirtirna hun a hmang bawk.

He training hian tahrik 16.3.2019 thleng a awh dawn a ni. Pu Lalhmingthanga, ATM chuan lawmthu sawinain vawiin training hawnna inkhawm hi a titawp a ni.