July 17, 2009-ah 1.00 p.m.–6.15 p.m thleng khan FMGE&W kaihhruaiin, Fitment Committee Member te leh Mizoram Sorkar hnuaia Association hrang hrang hruaitute I&PR Auditorium-ah an inhmukhawm. He inhmuhkhawmna hi Chief Minister zahawm tak Pu Lal Thanhawla thur^wn anga neih a ni. He hun hi Pu R. Lalrammawia, President, FMGE&W-in kaihruaiin Pu C. Lalsawta leh Pu Lalbiaktluanga Khiangte, Fitment Committee chairman leh member-ten an hmanpui a ni. Association lam hotute pawh mi 160 zet an lo kal.
Pu R.Lalrammawian kalkhawm chhante a sawi fiah a, tun hi FMGE&W pual ni lovin, Sawrkar hnathawk Association te leh Fitment Committee-te inhmuhna, thu sawihona a ni a, Federation hi a host-ah kan \ang mai a ni, tih a sawi hnuah Pu T. Sangkunga, Sr. Vice President-in thil awmzia a sawi hawng a. Pu C. Lalsawta IAS, Principal Secretary, Fitment Committee Chairman-in Report a siam dan te a sawi fiah. Pu Lalsawta chuan, “Fitment Committee chu report thehluh a\ang khan a tawp tawh a, Chief Minister-in Association hotute Assembly Session hma ngeia hmu tura a tih angin kan sawiho a\angin, sorkar hnena thlen tur siam thei ila, Finance Expert-ten Cabinet pawmpui tura chhawpchhuah tur a ni,”a ti. Hemi hnu hian Association hruaitu hrang hrang- MCS, MFAS, MSS, MIS, MMSA leh mi dangten an pawl ngaihdan an sawi a ni. MCS aiawha thusawitu chuan Gr.`A-te PB-2-a dah tumna hi a tawp thlenga do an tum thu leh an ngaihdan chu C.M. leh Minister zawng zawng an pek thu te, PB 3 aia hniama dah chuan Sorkar hnathawkte chu kumkhuain an rilru a na hle ang, a ti. MFAS President pawhin tuna Gr. A te PB 2-a dah tumna hi a dik lo hulhual a, justice a awm lo a ni, a ti bawk.
Darkar 5 zet sawiho hnua thu khaikhawmna ber chu hengte hi an ni :-
1. Fitment Committee Report-a dik tawk lo chi hrang hrang, Printing mistake te, technical error te siam \hat ni se, Sorkar hna hming awm lo te pawh dah kim ni se.
2. Group `A’ Officer te Pay Band 2-a dah tum hi a dik lo a; kum 20 zet Group`A’-a Mizoram Sorkarin a lo siam tawh, Fifth CPC-ah pawh lo hman tawh, Mizoram Sorkar Order awm sa, Next ROP-a hman tura a tih chu zah sakin zawm ngei se.
3. Hei hi Finance Expert-ten sorkar pawmpui turin rang takin lo buatsaih se. “Kan nihna tur (Pay Band) dik tak \heuhva Mizoram Sorkar hnathawkte kan awm dawn avanga harsatna a awm chuan, Arrear pawh min pe lo se FMGE&W chuan a hre thiam a ni,” Chairman chuan a ti bawk. Sixth CPC ang ngei hian mahni nihna tur dik takah sorkar hian min fit dik se, a rang thei ang berin min pe ve nghal rawh se. (Hetiang chiah hian 5th CPC pawh Mizoram Sorkarin 1.1.1996 atangin Notional increment nen a lo pe tawh a ni).
