Parliamentary Secretary Pu K.S.Thanga chuan kar kalta Inrinni July 18, 2009 khan a bial chhung Lungleng-a Herald for Christ Camping Centre a tlawh a. He Centre atanga tunhnaia hming hliauna a awm chu pawi a tih thute hrilhin Camping Centre enkawlna ah inthunun nan talhfiak chelek tul chang a awm thin a nih pawhin mihring nunna erawh chu Pathian kuta mi liau liau a nih avangin inzah sak tur a ni, a ti a. A bial chhung atanga hming hliauna awm chu tun hnuah awm tawh lo se a duh thu leh he Camping Centre pawh hian hming thatna a lo neih tawh thinte nei let leh tura tan la turin a fuih.
Camping Centre chhawmdawl nan Cheng 5000/- leh silpauline hlan in an harsatna sutkian kawngah tanpui a intiam thu a hrilh nghal a. Vanduaina tawk chhungkua te a tawrhpui takzet thu Pu K.S.Thanga hian a sawi bawk.
Saikhamakawn-ah Branch YMA ten hmeithai in hnatlanga an sak pawh Parliamentary Secretary hian tlawhin a hnatlan ve nan Cheng 2500/- leh silpauline a hlan a, YMA chu mite tanpuitu a nih tarlang a hnatlang an buatsaih chu fakawm a tih thu a hrilh a ni.
Saikhamakawn-ah Branch YMA ten hmeithai in hnatlanga an sak pawh Parliamentary Secretary hian tlawhin a hnatlan ve nan Cheng 2500/- leh silpauline a hlan a, YMA chu mite tanpuitu a nih tarlang a hnatlang an buatsaih chu fakawm a tih thu a hrilh a ni.
