Kum tina hman thin ‘Faina Chawlhkar’ (Cleanliness Week) chu vawiin atang khan Mizoram khua leh veng tam takin an hmang tan leh ta a. Kum 6-a upa Republic Vengthlang te pawhin a vawi 6-na atan tukin zing dar 6:30 atang khan an Local Council Chairman Pu C. Hranglura hovin an hmang tan a ni.

Republic Vengthlang-ah hian Local Council hnuaiah Sanitation Committee chak tak din a ni a. Sanitation Committee te hian vengchhungah bawlhhlawh bawm 26 an khai tawh a. Kumin hian thla tin Inrinni hmasa ber hi FAINA NI atan puan a ni a, thla tin Inrinni vawi 3-na hi NAUPANG PUAL FAINA NI atan an puang bawk a ni.