Sorkar thil pawimawh thawka Kolkata a cham mek, Chief Minister Pu Lal Thanhawla chuan nimin khan Union Finance Minister Pu Pranab Mukherjee chu a chenna in ah hmuin minute 40 chhung vel an inkawm a.

Chief Minister chuan Mizoram sorkarin a hnathawkte hlawh 6th Central Pay anga pek an nih avang leh accumulated non plan committed liability avanga sum lama harsatna belhchhah a thlen avangin a sutkian dan tur ruahman sak turin a ngen a. 13th Finance Commission a Mizoram sorkar assessmenta non-plan indaih lohna gap awm pawh a phuhruk dan dap pui turin a thlen bawk a. Hengte bakah hian Pu Lal Thanhawla chuan Pu Pranab Mukherjee hnenah Union Finance Ministry in an lo hnawl sak tawh thin, Special Plan Assistant chu Mizoram sorkar pe tura a ngenna chu Finance Minister hian pek a tum thu a hrilh bawk a ni.