Saiha District chhunga karkhat chhung hman “Faina Hapta-2012” kharna inkhawm chu vawiin chawhma dar 11 : 00 khan DCs Conference Hall, Saiha-ah neih a ni.
He “Faina Hapta” kharna inkhawm hi Pu P. Sama, Local Administration Officer, M.A.D.C., Saiha chuan a kaihruaia, District Bawrhsap Pu Alok Swarup IAS chu Khuallian a ni. Pu James Lalnithanga, S.D.C. Saiha District leh Secretary, Cleanliness Week Observation Committee nibawk chuan he “Faina Hapta” hman dan kimchang takin report a pek hnu-ah Khuallian Pu Alok Swarup IAS chuan thu sawiin “Faina Hapta” hman chhunga tehna chi hrang hrang a lawmman la tute a lawmpui thu sawiin Faina hian hriselna min thlen a ni a ti a, Faina hian mawina a keng tel nghal a ni tiin Taj Mahal khawvel thlan ropui leh hmingthang pawh hi a ropuina leh a mawina chhan chu a faina hi a ni, ati bawk. Saiha District chhung mipuite faina kawnga hmakansawn deuh deuh theih nan Tlawmngaipawl, Kohhran leh mimal hrang hrang te tan la thar theuhturina chah bawk. Faina pawimawh zia sawiin Natna tamtak pawh hikanin leh a velte fai tawk loh vanga lo thleng thin anih thu a sawi a, heng natna te pawh hi faina hian min pumpelh tir thei a ni tiin Faina kawngah hian hmasawn zel na tur tam takkannei a ni, ati bawk.
“Faina Hapta” hman chhung hian Faina lam hawi inelna hrang hranga lawmman pakhatna dawngtute chu : - 1. Zirna In(Institution) - MeisatlaPrimary School2. Hotel - Hotel Eros 3. Restaurent -South Gate4. Hostel- Hillgate Hostel 5. Office- D.R.D.A Office 6. Charity - Orphanage Home 7. Veng (locality) - Siahatla-II te an ni. He “Faina Hapta” hman chhunga Mimal khawtlang tihfai kawnga thawhhlawk ber lawmman chu Pi Maia Didi, Saiha Vengpui-I hnenah hlan a ni bawk.
He Faina Hapta hman chhunga Chanchinbu Faina lam hawi ziak thate hnenah lawmman tangkafai leh Certificate hlan an ni a, chungte chu- pakhatna Moonlight leh Chhim Aw, pahnihna - Saiha Post leh Maraland te niin pathumna lawmman chu Buannel Daily Newspaper a ni. Heng Lawmman te hi Khuallian hian a sem nghal a, Saiha District chhung R.D. Block pahnih a khaw faiber thlanna neih nghal niin Saiha R.D. Block-a khawfai ber chu Theiva a ni a, Tuipang R.D. Block huam chhunga khawfai berah Tuipang V-III thlan an ni bawk. Heng RD Block huam chhung khawfai thlanchhuah te hi Khuallian chuan lawmman a sem nghal a ni. He hun hmanna ah hian zaithiam zai te ngaihthlak a ni a, Pu VB Sachai Syhly, Chairman, Joint V/C Saiha chuan lawmthu sawina a neih hnu ah programme hi tihtawp a ni. He Faina Hapta Kharna inkhawm ah hian Department hrang hrang hotute, Tlawmngaipawl hrang hrang hruaitute,Veng hrang hrang V.C. te, Chanchinbu mite leh School naupangte an tel thahnem hle a ni.
