Vawiin chawhma dar 11 : 00 khan “Faina Hapta Hapta, 2014” kharna inkhawm chu DCs Conference Hall, Saiha- ah neih a ni. He Faina Hapta kharna inkhawm hi Pi Marilyn Rualzakhumthangi, S.D.O. (S) chuan a kaihruaia, Pu K.Hrahmo, Executive Member (LAD) M.A.D.C. chu khuallian ani. Thu sawiin khuallian chuan khawpui fai lohna chhan hi dan leh thupek lam ani lova khawlaia bawlhhlawh paih thin tute chu mipuite kan ni tiin bawlhhlawh paih kawngah mitin te fimkhur lehzual turin a chah a, Pu Mahatma Gandhi khan a thil ngaih pawimawh pahnih zingah Faina hi a dah ani ati bawk. Faina in a thilken tel hrang hrang te sawiin hlimna, zahawmna, hriselna, damreina leh Pathian-an teuhna a ni tiin Faina Hapta hi tunah khar mah ila Faina hi kan hmang chhun zawm zel tur ani a ti bawk. He Faina Hapta hman chhung hian Saiha khawpui chhung-ah Faina lam kawng hrang hrang a lawmman dawngtute hnenah Khuallian hian lawmman a sem nghal a, heng a hnuaia mi te hian lawmman an dawng a ni.

Office Fai lawmman : 1. Mara Autonomous District Council, Saiha, lawmman Rs 3,000/-  ; 2. Superintendent of Police Office, Saiha, lawmman Rs. 2,000/- ;  3. P.W.D. Office, Saiha, lawmman Rs. 1,000/-

School Fai lawwmman : 1. Govt. Primary School-I, Meisavaih, Saiha, lawmman Rs. 4,000/-  ;2. Lorrain English School, College Veng, Saiha, lawmman Rs. 2,000/- ; 3. Govt. Comprehensive Elementary School, New Colony, Saiha, lawmman Rs. 1,000/-

Faina lama Chanchinbu thuziak tha te lawmma : 1. Moonlight, lawmman Rs. 1,500/- ; 2. Saiha Post, lawmman Rs. 1,000/-  ; 3. Maraland, lawmman Rs. 500/-

Veng Fai lawmman : 1. Meisavaih East, Saiha lawmman Rs. 5,000/-  ; 2. Meisavaih West, Saiha lawmman Rs. 3,000/-  ; 3. E.C.M. Veng Saiha, lawmman Rs. 2,000/- leh Meisatla, Saiha lawmman Rs. 2,000/-

Mimal In leh a vel Fai ber : Z. Khaicho, New Colony-IV, Saiha lawmman Rs. 3,000/-

MADC hnuaia LAD Staff hnathawk thate : 1. Pi L.C. Nazi, Sweeper, lawmman Rs. 1,000/- ; 2. Pi Zache, Sweeper, lawmman Rs. 1,000/-  ; 3. Pu K. Khaicho, Sweeper, lawmman Rs. 1,000/-

He Faina Hapta - 2014 kharna inkhawm ah hian Auto Rickshaw, Taxi, Maxi Cab leh Restaurant Fai te thlan chhuah niin Auto Rickshaw fai ber chu Pu Lalawmpuia, New Saiha MZ 03-4016, Taxi fai ber lawmman dawngtu chu Pu H.T. Lalnunmawia, Saiha Vengpui MZ 03-4137, Maxi Cab fai ber lawmman dawngtu chu Pu Lalrinthanga, Saiha Vengpui MZ 03-3443 leh Restaurant fai thlan chhuah te chu Braisiller Fast Food, New Colony, Saiha, South Gate, Bazar Saiha leh Doulos, Saiha Vengpui te thlan chhuah an ni.

Attachment

  • Loading attachment...