No.2349/2021-2022

Aizawl the 27th September 2021: Vawiin chhun khan DC Conference Hall, Kolasibah 'Faina Hapta 2021' hman dan tur relin Kolasib Town Sanitation Task Force-ten ?hutkhawmna an nei a, Dr.H.Lalthlangliana, Deputy Commissioner-in hun a kaihruai a ni.

Dr.H.Lalthlangliana chuan Kolasib chu Solid Waste Management Centre awmna hmun a nih angin ?angkai tak a hman a nih theih nan in tin atanga bawlhhlawh thliar hran 'Waste segregation at Source' a pawimawh thu sawiin 'Faina hapta 2021' hmannaah pawh mipui inzirtirna kawngah hma lak a ?ul thu a sawi a. Khawlai a bawlhhlawh hal chu dan khap a nih rualin ruahmanna felfai tak nen bawlhhlawh hal ralna hmun siam a tih ral ?hin chu intihhmuh a ?hat thu a sawi bawk a ni.

'Faina- Kan in leh a chhehvel atangin' tih thupui hmangin Faina Hapta 2021 hi ni 2, October, 2021 hian hman ?an a ni dawn a. Veng, Sawrkar pisa, Restaurant leh Hotel, Healthcare Facility-ahte endikna kalpui tur a ruahman niin heng hmunhma a faina kawng a ?itha zual thlan chhuahte hnenah lawmman pek an ni dawn bawk a ni. Faina hapta kalpui chhung hian faina kawnga inzirtirna buatsaihte, mahni in leh a vel tifai tur a hmalakte, Sawrkar pisa hrang hrang enkawl fai tur a hmalakte leh Electronic media kaltlanga faina kawnga inzirtirna theh darhte kalpui tum a ni.
Faina Hapta 2021 hi ni 2, October, 2021-ah YMA Park, Venglai, Kolasibah hman tur niin ni 8 October, 2021-ah a kharna hun hi I&PR Conference Hall, Project Venga neih tur a rel a ni bawk a ni.