Faina Hapta “Cleanliness Week” Dt 2.October, 2012 leh Dt 8.October, 2012 inkara hman dan tur chungchang ngaihtuah in vawiin chawhma dar 11 : 00 khan Pu Vanlalngena, Additional Deputy Commissioner, Saiha District Saiha hovin D.C’s Conference Room-ah meeting neih ani.

He Faina Hapta hawnna inkhawm hi Dt 2.10.2012 zing dar 7 : 00 ah D.C’s Conference Hall Saiha-ah District Bawrhsap kaihruaina hnuaiah neih ani ang a, Khuallian atan Chief Executive Member, M.A.D.C. Saiha chu ruat ani. He Hapta kharna inkhawm hi Dt 8.10.2012 chawhma dar 11 : 00 ah D.Cs Conference Hall ah bawk neih leh tur a ruahman ani a, Chairman atan L.A.O., M.A.D.C. Saiha chu ruat niin Khuallian-ah District Bawrhsap chu ruat ani bawk.

Faina Hapta hman anih chhung hian faiber thlanna heng ah te hian neih ani anga lawmman tangkafai leh Certificate te hlan an ni ang. Saiha khawpui chhung Veng faiber, Zirna School faiber, Office faiber, Hostel & Boarding faiber, Restaurant / Tea Stall faiber, Hotel faiber, Charity/Home faiber leh Saiha leh Tuipang R.D.Block huam chhunga khaw faiber te thlan chhuah an ni anga lawmman tangka fai leh Certificate te hlan an ni bawk ang. Cleanliness Week chhung a Faina lam hawia thuziak tha ber Chanchinbu thlanchhuah hnenah lawmman tangka fai leh Certificate pek ani bawk dawn ani. He meeting ah hian Department harng hrang hotute, Tlawmngai pawl hruaitu te, Village Council hruaitu te leh Chanchinbu mite an tel kim hle ani.