Faina Hapta "Swachh Bharat Mission Cleanliness Week" tun thla ni 2 a neih tan chu vawiin khan LAD Conference Hall, Mamitah khar a ni.

Faina Hapta kharna inkhawm kaihruaitu Pu Vanlalngaihsaka, Deputy Commissioner Mamit chuan thianghlimna leh faina chu kristian nun nena inrem thlap anih thu sawiin, kan fai tur a ni a ti a. Vengtin te leh chhungtin te Faina Hapta chauh a vengchhung tifai lova kumtluana vawng fai tura hrilhin, fai chu a mawi a hriselna a ni a ti. Chhungkaw tinte bawlhlawh kan sawngbawl danah thenawm te tana hnawksak zawnga sawngbawl lo turin a chah.

Kharna inkhawmah hian Pu Tlangruala, DLAO chuan Faina Hapta chhunga hmalak dan hrang hrang kalkhawm te a hriattir a ni.Faina chungchang a thu hrang hrang hmangin extempore speech a inelna kalkhawm te atangin neih a ni bawk.Faina Hapta chhung hian vengtin ten mahni veng chhung theuh tifaiin an hnatlang a. He hapta pual hian Mamit khawchhunga veng fai, office leh a chhehvel fai leh school fai endik niin, lawmman vawiin hian sem a ni.

Lawmman la tu te :

I. Veng fai ber :

1.Luangpawl Branch YMA,

2.Lungsir Branch YMA,

3.Chhim Veng Branch YMA.

II. School fai : Middle school chin chunglam:

1.Govt.Middle School II,

2.Govt. Middle School III,& Govt.Middle School I,

3.New Diamond School, & Govt.Higher Secondary School.

Primary School chin hnuailam:

1.Govt.Primary School IV,

2.Govt.Primary School VI & Govt. Primary School VII,

3.Govt.Primary School V.

III. Office leh a compound fai

1.DIET Office,

2.I&PR Office,

3.SP Office & Law& Judicial Office.

Lawmman hian pawisa fai leh thuziak a keng tel bawk