Kolasib-a Faina Hapta hman chu vawiin khan Diakkawn YMA Hall-ah kharna Inkhawm buatsaih a khar a ni a, Pu H. Lalengmawia IAS, DC Kolasib District chuan he hun hi a hmanpui.

Pu H. Lalengmawia chuan khuallian niin a hmanpui a. Thu sawiin Khuallian chuan State thang mek kan ni a, Pawnlam langthei faina ah hian hma sawn kan la mamawh hle rualin Thinlung lam faina hi kan mamawh zawk a ni a ti a. Thinlung fai leh thianghlim nei tur hian tan kan lak nasat a ngai a, kan rama sualna chi hrang hrang lo thleng te hi kan thinlung lam thianghlim loh vang ani tiin Kan thinlung a thianghlim loh avangin natna chi hrang hrang te kan tawk a, Thalai zingah sualna atam in Depression nei kan tam em em nachhan te hi kan rilru thianghlim lo rahchhuah a ni a ti.

Kolasib DC chuan Faina tluantling nei tur chuan Pathian thu atang lo chuan a theih loh tih sawiin District Magistrate ten khapna dan hrang hrangte kan chhuah chungin kar 2/1 bak kan zawm thei lova, khapna chhuah lo pawha Faina kawnga hma kan lak theihna tur chuan thinlung ah Faina nunpui a ngai a, chu chu Pathian thu atang chauh a neih theih a ni a ti.

Faina Hapta Kharna Inkhawm hi Pu Albert Vanlalliantluanga, District Urban Development Officer, Kolasib chuan a kaihruai a, Faina Hapta kharna inkhawmah hian Faina Hapta hman chhunga intihsiakna hrang hrang: Veng, Office, School (High School & Elementary), Hotel & Restaurant, leh thuziak a intihsiakna neih a ni bawk a.

Lawmman latute hnenah lawmman sem a ni a, endiktuten an endik dan report tawi an pe bawk. Kolasib khawchhung a veng fai berah Tumpui Veng thlan an ni a, Office fai berah EE Minor Irrigation Office thlan an ni.