Vawiin dar 11:00 khan Kolasib Dist chhunga NLUP kalpui a nih dan thlir letin Review Meeting on Implementation of NLUP within Kolasib Dist chu I&PR Conf Hall, Kolasib Project Veng ah neih a ni a. NLUP Implementing Board Chairman Pu JH Rothuama chuan a hmanpui.

Pu R. Lalremsanga, Addl DC Kolasib kaihhruai he hunah hian thusawiin Pu JH Rothuama chuan NLUP chu kum nga atana tirah an ruahman chungin kum 7 chhung kalpui a ni tawh tih sawiin kan kalpui rei tawlh tawlh a, a pawimawh tawlh tawlh a. Central Sorkar pawhin a pawimawh tih hriain a tira sum kan diul let deuh thaw hemi atan hian min pe a, UNO pawhin NLUP kan kalpui avangin kan ramah Office hrang hrang an rawn hung a, tunah hian TATA Company te pawhin NLUP avangin Thingtlang mi retheite tana hna an lo thawhna thin chu kalpui an tum mek a ni a ni a ti.

Pu JH Rothuama chuan NLUP Review Meeting neih a ni chu tha a tih thu sawiin he review Meeting atang hian thil tam tak kan zir belh thei dawn a ni a ti bawk.

Meeting ah hian NLUP Line dept hrang hrangten Kolasib Dist chhunga NLUP an kalpui dan report Power Point Presentation hmangin an pe a, Serlui Bialktu MLA Pu K Lalrinthanga Parliamentary Secretary leh Tuirial Bialtu Pu Hmingdailova Khiangte, Parliamentary Secretary ten thu an sawi bawk.