Vawiin Dt 9th October 2012 hian Chhim Veng YMA Hall, Mamit-ah kumin chhunga faina Hapta 2th-9th October chhunga hman chu khar a ni.

Kharna inkhawm Pu H. Vanlalhlua President Sub Hqrs YMA Mamit
kaihhruaiah khuallian Pu V. Lalremthanga, District Bawrhsap chuan
faina leh thianghlimna hi hapta chhung mai nilova kumtluana
ngaipawimawha chhun zawm reng a tul a ni a ti a, Mamit District Hqrs
hi khawpui fai tak anih thusawiin hei hi chhunzawm zel turin mitinten
mawh kan phur a ni a ti bawk. Khuallian chuan hnam ang chuan mizote hi
kan fai lem lo a ni tiin hnam dang kara kan khawsak na-ah tan kan lak
a tul a, zuk leh hmuam chungchangah te, ei leh in kan sawngbawl dan
kawngah te pawh tan kan lak a, mi dangte tana tenawm ni lo tura tan la
theuh turin kalkhawmte a chah bawk.

Faina Hapta kharna inkhawmah hian Dr Vanlalsawma Chief Medical
Officer, Mamit in faina thuchah sawiin Pu P.H Rualzakhuma DLAO in
faina hapta kan hman dan report a pein Pu P.C Lalthanzuala, Chairman
Joint V.C in lawmthu sawiina hun a hmang bawk.

Faina Hapta hman chhungah kawng hrang hrangah inelna buatsaih a ni a,
lawmman 1-3 siam niin result puan nghal a ni,   heng te  hi lawmman
pakhatna dawngtute an ni. YMA Branch-ah  Chhim Veng YMA, Office &
Compound-ah  SP office leh DIET Office, Restaurant/Tea Stall/ Canteen
Hotel ah  F&F Restaurant te niin Zirna In fai ah High School chin
chunglam ah  Bethany High School, Middle School chin hnuai lamah Govt
M/S III, Chanchinbu a faina thuziak thaah Mamit Post te an ni.

Heng bakah hian Mamit Veng parukah an veng chhung theuhvah chhungkaw
fai 1-3 thleng inelna buatsaih niin result puan nghal a ni a.

Lawmman te hi khuallian Pu V. Lalremthanga, District Bawrhsapin a sem a ni.