Tukin khan Childline Mamit leh Children Sanitation Club, Mamit Chhimveng te chuan vantlang hmun thianfaiin hnatlang an nei.

Hnatlang tan hmain Child Line atangin Pu Lalrawngbawla chuan Child Line te hian Swachh Bharat Mission hnuaiah thlakhatah vawikhat tal hnatlang an neih thin thu a sawi a. Children Sanitation Club-te,  Faina lam buaipuitute, khawtlang hruaitute nena hnatlan theihna hun remchang an nei chu lawmawm a tih thu a sawi a ni. Naupang kum 18 hnuailamin an dikna chanvo an hriat theihna tura zirtirna a nei nghal bawk.

Pi Laltharzeli, SBM(G) PHE Department Ambassador, National Awardee pawhin faina chu a huhova thawh chi, tanrual ngai a nih angin thawhpuitur Department leh Naupang an awm zel chu lawmawm a tih thu sawiin Hrisel kan duh a nih chuan faina kan ngaih pawimawh hmasak a ngaia,  kan ram a thianghlima, a changkana, hma a sawn zel nan faina ngaipawimawh deuh deuh turin kalkhawmte a sawm a ni.

Tukin hnatlangah hian mi 160 vel thawkchhuakin DRDA Department, Mamit te'n vantlang bawlhlawh bawm an donate bawk a ni.