2429/2026-2027
UD&PA leh PHED tangkawp chuan Swachhata Hi Seva 2026 campaign kal zelah naktuk October ni 1, 2026 zing dar 7:30 AM ah Open Gym, MINECO junction-ah hawnna hun hman a ni dawn a. 'Faina Hnatlangpui' neih a ni ang.
Kick-off neih zawh hian Department ruat bik ten zingkar hnatlang hi MINECO leh a chhehvel-ah an nei nghal dawn a. Swachhata hi Seva 2026 hi September 17 atanga October 18, 2026 chhunga hman tur a ni.
Swachhata Hi Seva hun chhung hian Faina leh Thianghlimna kawnga beihpui thlakna India ram pum huapa neih tur niin, Mizoramah pawh District khawpui bakah notified towns leh thingtlang khua zawng zawngah Faina Beihpuithlakna lian tak kalpui mek a ni.
Campaign chhung hian faina kawnga hmalakna hi office, zirna in, bazar hmun, tuikhur, mipui punkhawmna hmun, vengchhung leh mahni in bul bakah vantlang zun in leh ek in tifai a beihpui thlak theuh turin mipui te sawkar chuan a ngen a. He campaign kal zelah hian Faina kawnga hma la tha zual te leh Sanitation Workers te chawimawina hun leh health check-up buatsaihsak an ni bawk ang.
India ram khawpui fai ber kan nih theih nan mipuiten mahni zawn theuha theihtawp
chhuah tur te, mahni veng theuhah he Faina Hnatlangpui hi lo thlawp a, lo thawkchhuak ve theuh turin UD&PA leh PHE Department a sawmin a ngen a ni.
