2428/2026-2027

Vawiin khan Sericulture Director Pu Lalrinawma chuan Muga pangang chi fir tha (Basic seed) Mizoram atanga siam chhuah 200 disease-free layings chu phailama thawn chhuah turin a vai liam.

Heng Muga pangang chi fir tha 27000 vel tur hi khawipun turin Narayanpur, Assam-ah leh Rompara, Meghalaya-ah te thawnchhuah a ni.

Nipui lai hian phai khaw lumah Muga pangang te hi khawi hlawhtlin a harsa a. Chutihlaiin, Mizoramah erawh chuan nipui laiin khawi hlawhtlin a ni ta fova; tun tumah pawh hian, August thla-ah Thenzawl P3 Mugafarm atangin khawi hlawhtlin a lo ni leh a. Khawi pun pun zel tur atan Central Silk Board Office, Mizoram chuan muga pangang tui te a siam a, a siam chhuah atanga pangang tui thenkhatte chu phai lamah mamawhna a san avangin Assam leh Meghlaya ah te thawn chhuah a lo ni ta a ni.

Central Silk Board hnuaiah hian Muga pangang bikah pangang tui siam chhuahna unit hi North East State hrang hrang hmun 14 ah a awm a. Mizoramah unit khat hi kumin 2026 atangin a awm ve tan a ni. 

Kumin nipui lai hian unit 14 atangin unit tlemte chauhin muga pangang te an khawi hlawhtling thei a, chung zingah chuan Mizoram hi a awm ve a ni. Muga P3 Unit, Thenzawl a awm hi Chief Minister Pu Lalduhoma leh Sericulture Minister Pu Lalthansanga te hmalakna avangin kumin 2026 atang hian a function ve thei ta a ni. Mizorama Muga pangang khawitute tan P3 Muga unit hi a tangkai hle dawn a ni.