No.1440/2021-2022

Aizawl 16th July 2021: Aizawl DC chuan Falkland Veng hmun thenkhat Containment Zone/Area- hlih a nih thu a chhuah a. Hemi chungchanga DC thuchhuah chu a hnuai a mi ang a ni e.

The Disaster Management Act, 2005 Section 34(b)(c) behchhan leh he Office lehkha No.C.16011/298/2020-DC(A)/Lockdown Dt. 08/07/2021 hmangin Falkland Veng hmun thenkhat chu Containment Zone/Area-ah puan a lo ni tawh a.

Chief Medical Officer, Aizawl East in a zirchianna leh a tul anga hma a lak hnuin, Falkland Veng Containment Zone/Area hmun thenkhat chu ni sarih chhung CoVID-19 positive case thar an awm tawh loh avangin a vaia hlih rawtna a rawn thlen a. He rawtna ang hian Falkland Veng (Taitesenna Section leh Chawngbawla Section) Containment Zone/Area-a lo puan tawh chu 16.07.2021 (Zirtawpni) Zan dar 10:00 atangin hlih a ni.

Containment Area hlih tur huamchhung :
TaitesenaSection :
VC Road kawngpuichhak lam Pu Lalremsanga Sailo In bul step atanga Pi Liankungpuii In thleng, chuta tang chuan kawr zawh chho zelin Pi Malsawmi In bul step thleng, chumi chhung zawng a huam ang.

ChawngbawlaSection :
World Bank Road chhaklam Lalchhuangkimi Enterprise atanga Pu Sangbika In thleng, chuta tanga step a chho in Pi Lalmuanzovi In thleng, Pu Thansanga In huam telin.
(Chhungkaw 17 chenna)

Covid-19 laka kan himna tur a sorkar kaihhruaina (SOP) siamte vengchhung mipuiten zawm tha chhunzawm zel tura hriattir an ni e.