No.1439/2021-2022

Aizawl 16th July 2021: Aizawl DC chuan Chanmari West hmun thenkhat Containment Zone/Area-a puan belh a nih thu a chhuah a. Hemi chungchanga DC thuchhuah chu a hnuai a mi ang a ni e.

Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chuvangin, Regulation 11(1) of the Mizoram Epidemic Diseases (COVID-19) Regulations, 2020 behchhanin Chanmari West hmun thenkhat chu Containment Zone/Area-ah puan a lo ni tawh a. Chief Medical Officer, Aizawl East in zirchianna leh a tul anga hma a lak hnuin Chanmari West hmun thenkhat, Containment Zone/Area-a lo puan tawh sawrzim leh chu kai thar an awm belh zel avangin hmun thenkhat Containment Zone/Area-a puan belh a rawn rawt a. He rawtna ang hian a hnuaia Chanmari West area hmun tarlante hi ni 16.07.2021 (Zirtawpni) Zan dar 10:00 atangin Containment Zone/ Area-ah puan belh a ni.

CHANMARI WEST Containment Zone/Area puan belhna:
Vanapa Section (Extension):
Pu K Rochungnunga (L) in atanga vantlang step zawh thla in Pu Zairemkima in huam tello in, Pu Vanlalhluna in atanga Char tuikhur thleng, kawngthlang lam kawng an zawng huam in. Char tuikhur bul kawr rawn zawh chho lehin, Pu FC Vanlalchhunga luah thin bula lo pheiin Pu R Lalngilneia in huam telin Pu K Rochungnunga (L) in kawtah rawn chhuak phei leh ang.
(Chhungkaw 25 chenna)

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.

VENG

INCIDENT COMMANDER

IMA CONVENER

 

Chanmari West

Pu Remlalliana Hnamte, MCS

Contact No: 9862355288

Dr. Lalbiaksangi Royte

Contact No. 9862013828