No.1438/2021-2022

Aizawl 16th July 2021: Aizawl DC chuan Tuithiang Veng hmun thenkhat Containment Zone/Area-a puan belh a nih thu a chhuah a. Hemi chungchanga DC thuchhuah chu a hnuai a mi ang a ni e.

Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chuvangin, Regulation 11(1) of the Mizoram Epidemic Diseases (COVID-19) Regulations, 2020 behchhanin Tuithiang Veng hmun thenkhat chu Containment Zone/Area-ah puan a lo ni tawh a. Chief Medical Officer, Aizawl East in zirchianna leh a tul anga hma a lak hnuin Tuithiang Veng hmun thenkhat, Containment Zone/Area-a lo puan tawh sawrzim leh chu kai thar an awm belh zel avangin hmun thenkhat Containment Zone/Area-a puan belh a rawn rawt a. He rawtna ang hian a hnuaia Tuithiang Veng area hmun tarlante hi ni 16.07.2021 (Zirtawpni) Zan dar 10:00 atangin Containment Zone/Area-ah puan belh a ni.

TUITHIANG VENG (Taitesenna Section) Containment Zone/Area puan belhna:
Di mual step hmar lamah Tv Riliana in atanga Pu F Vanlalruata in atanga chhovin Pu Kapkima in huam telin kawngpui thlang lam zawng a huam ang.
(Chhungkaw 45 chenna)

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.