Vawiin khan Aizawl District Disaster Management Authority (ADDMA) leh National Disaster Response Force (NDRF) tangkawp chuan “Familiarization Exercise on Disaster Management” programme Pachhunga University College ah an hmang a. He hun hi Pu John LT Sanga, Chief Executive Officer, ADDMA leh Pu Kehsnor TM, Inspector 1st Bn NDRF ten an hmanpui a ni.

Pachhunga University College ah hian Quick Response Team ADDMA te chuan khuarel chhiatna thlen huna pawimawh tak, Basic First Aid leh Search & Rescue bikah PUC Youth Adventure Club member te an zirtir a ni.

Familiarization Exercise on Disaster Management hi District pahnih Aizawl leh Champhai ah NDRF bultumin neih mek a ni a. Aizawl bikah chuan nimin khan Civil Hospital ah neih niin, September ni 9 khian Sairang, Sairang Dinthar leh Sihhmui ah te neih leh a ni ang.