Nimin 9.2.2017 khan KVK Kolasib hnuaia Thingdawl Farmer’s Club (Kuthnathawktu Pawl) din chu hawn a ni a. Pu J.D. Jubilee Traite, District Development Manager, NABARD, Kolasib District chuan he Club din thar hi a hawng.

Hawnna inkhawm Dr. Michelle C.Lalawmkimi, Senior Scientist & Head, KVK Kolasib,  kaihhruaina-ah hian Pu J.D. Jubilee Traite chuan NABARD leh KVK thawhhona te a sawi a. Head of Office lokal ten loneitute tan tangkai leh hna an thawh ho theih dan hrang hrang te sawiin, Bank lam atang pawh a loneitute tana tanpuina awm thei ang te a sawi a ni.

Chawhnu Session-ah hian Base Level Orientation Training Programme hman zui niin,  Pu J.D. Jubilee Traite, District Development Manager, NABARD, Kolasib District leh Dr. Rebecca Lalmuanpuii, Scientist (Agro-forestry) ten Farmer’s Club kalphung te, NABARD nen thawhho dan leh hnathawh dan te Powerpoint Presentation hmangin zirtirna an pe a ni.

Thingdawl Farmer’s Club hi NABARD tanpuina hnuaia KVK Kolasib District kaltlang a din a ni a. He Club thil tum tlangpui chu intodelh leh khawtlang tana hna pawimawh chi hrang hrang thawh leh loneihna ti hmasawn a thiamna theh darh te a ni.