Ni 17.11.09 khan Khawzawl AMFU Sub-Division buatsaih All Mizoram Farmers’ Meet leh NLUP Awareness Campaign Khawzawl Zaingen Community Hall a neih chu Pu Lal Thanzara, Parliamentary Secretary chuan Khuallian niin a hmanpui.
Pu Lal Thanzara chuan kalkhawmte hmaah thu sawiin sawrkarin NLUP a duanchhuah chu mirethei leh harsa zawk ten leirem rapa an dinhmun chawikan a nih theih nan leh ei leh bara kan intodelhna tura ruahman a nih thu a sawi a, chumi avanga rinawmna leh taimakna nena dawng turin a fuih.
Pu Lal Thanzara chuan hetianga sawrkar ruahmanna hi Kristian ram kan nihna anga dikna leh rinawmna chhawm nung zel chunga kalpui a pawimawh thu sawiin sawrkarin kawng hrang hranga hmasawnna tur ruahmanna a siam chu a thlawna kal liam tir mai lova a hlutna anga chhawrtu ni tura lo inbuatsaih turin a chah.
Kuthnathawktute thlai thar hralh chhuahna tur pawh sawrkarin a dap chhoh zel thu a sawi a, chutiang hun remchang a hralh chhuah tur thar chhuak ngei tura tan la sauh sauh turin kalkhawmte a sawm a ni.
Parliamentary Secretary chuan Mizoram ah hian corruption a hluar hle a, hemi chungchang pawh hi sawrkar chuan a ngaihthah mai mai dawn lova, dan hmangin a tul ang zela hmalak zel a nih tur thu sawiin sawrkar hnathawk leh kuthnathawkte, sumdawnna hmanga eizawngtu zawng zawngte hi rinawmna leh dikna nena kan kan kal tlan hnuah kan ram hi ram nuam ah kan siam dawn a ni, a ti a. Kalkhawmte chu eng dinhmun ah pawh hlemhletna hluar lutuk hi do tlang turin a sawm bawk.
Pu Lal Thanzara hi Pu K.S.Thanga, Parliamentary Secretary leh Official ten an tawiawm a ni.
Pu Lal Thanzara chuan hetianga sawrkar ruahmanna hi Kristian ram kan nihna anga dikna leh rinawmna chhawm nung zel chunga kalpui a pawimawh thu sawiin sawrkarin kawng hrang hranga hmasawnna tur ruahmanna a siam chu a thlawna kal liam tir mai lova a hlutna anga chhawrtu ni tura lo inbuatsaih turin a chah.
Kuthnathawktute thlai thar hralh chhuahna tur pawh sawrkarin a dap chhoh zel thu a sawi a, chutiang hun remchang a hralh chhuah tur thar chhuak ngei tura tan la sauh sauh turin kalkhawmte a sawm a ni.
Parliamentary Secretary chuan Mizoram ah hian corruption a hluar hle a, hemi chungchang pawh hi sawrkar chuan a ngaihthah mai mai dawn lova, dan hmangin a tul ang zela hmalak zel a nih tur thu sawiin sawrkar hnathawk leh kuthnathawkte, sumdawnna hmanga eizawngtu zawng zawngte hi rinawmna leh dikna nena kan kan kal tlan hnuah kan ram hi ram nuam ah kan siam dawn a ni, a ti a. Kalkhawmte chu eng dinhmun ah pawh hlemhletna hluar lutuk hi do tlang turin a sawm bawk.
Pu Lal Thanzara hi Pu K.S.Thanga, Parliamentary Secretary leh Official ten an tawiawm a ni.
