Ni 16.11.09 khan Biate Community Hall a Agriculture Department buatsaih Farmers’ Field Training on Organic Nutrient Management and Organic Farming chu Pu K.S.Thanga, Parliamentary Secretary chuan Khuallian niin a hmanpui.

Pu K.S.Thanga chuan NLUP chungchang sawiin mirethei chhanchhuahna atana sawrkar ruahmanna a ni a ti a. Mipuite chu sawrkar atanga tanpuina lo kal an dawn a nih pawha rinawmna leh hlawhtlin tumna rilru nena dawng turin a fuih a, sawrkar chuan ruahmanna nei a, a tih tur a tih rualin dawngdahna leh hlemhletna nen a dawngtu apiang chu hun kal zel tura an tana a pawi tur thu a hrilh a, chuvang chuan taimakna, rinawmna leh tumruhna nena sawrkar ruahmanna kalpui zel turin a fuih bawk a ni. Rinawm lohna leh thatchhiatna nena ei leh bar zawnna kawng zawh hi Pathian dodalna ni a a hriat thu a sawi a, an hma a malsawmna leh anchhia, thihna leh nunna thlan tur awm chu fimkhur taka thlang thiam turin a chah a. He training a tel zawng zawngte chu an thil zir tangkai taka eizawnna kawngah an chhawr zui zel a duhsak thu a sawi bawk.

Parliamentary Secretary hi Department Official engemaw zatin an tawiawm a ni.