Ni 14.11.09 khan India International Trade Fair 2009 chu India President Pi Pratibha Patil in Pragati Maidan, New Delhi-ah a hawng ta a. Mizoram pawh hetah hian tel ve in Mizoram Pavillion hall no. 16 Pragati Maidan ami chu Pu R.Lalrinawma, Secretary, Industries Mizoram chuan a hawng ve bawk.

 

 

Pu Rinawma chuan Mizoram Handloom & Handicrafts leh Anthurium te leh Hmarcha te, Aieng, Sawhthing, Sapthei, Mautuai leh thil dang dangte hemi hmunah hian phochhuah a ni ve dawn a. Mizo fate tan sumdawnna tha a awm theih ngei a beiseiawm a ni, a ti.

Vawiin khan Pu S.Hiato, Minsiter, Industries chuan Mizoram Pavillion hi tlawhin Mizoram thil neihte pholana a awm ve thei chu lawmawm a tih thu a sawi.

Pavillion hi Mizoram atangin Pu Surbir Singh, Director, Industries leh Pavillion Director Pi Lalrodingi, Jt. Director, Industries ten an awmchilh a. Tlawhtu pawh an nei tha hle tih thu dawn a ni.