Vawiin chawhnu khan Aijal Club ah Food Corporation of India(FCI) hnathawh leh kalphung her danglam tura India Sawrkar in a din thar, High Level Committee on Restructuring of Food Corporation of India chuan an Chairman Pu Shanta Kumar, MP(Lok Sabha) hovin India hmarchhak state 6 a Food & Civil Supplies Department Secretary-te leh Official-te an kawm a. Meeting ah hian FCI tihdanglam tumna kawng hrang hrangte ngaihthlak niin Hmarchhak State Official-te hnen atanga an harsatna, ngenna leh rawtna te ngaihthlak a ni.

Chairman leh member-te hian F&CSD Secretary-te an kawm zawh ah Chief Minister Pu Lal Thanhawla an hmu a. Hmarchhak State F&CSD Secretary-te an kawm hma chiah hian Mizoram FCS&CA Minister Pu John Rotluangliana chu hmu in an lo kalchhan leh an hmalakna te an hrilh a,Supply Minister hian Mizoram sawrkar hmalakna hrang hrang leh harsatna sutkian dan tur te bakah hmarchhak state te mamawh bik te a lo sawipui a. Mega Block in Mizoram a nghawng dan tur te bakah Mizoram sawrkarin hemi hmachhawn tura hma a lakna te hriatpuia tanpui a mamawh hunah High Level Committee chu inhawng turin a ngen a. FCI Regional office, Aizawl leh FCI District Office, lunglei a din a nih theih nana Mizoram sawrkar dilna chu tihhlawhtlin a tulna te a lo hrilh a ni.

High Level Committee on Restructuring of FCI mi pawimawh te hi an Chairman, Pu Shanta Kumar, M.P. (Lok Shabha) in a rawn hova.

Member dang te chu -

1) Prof. G. Raghuram, Dean IIM, Ahmedabad

2) Dr. Ashok Gulati, Former Chairman, Commission of Agriculture Costs & Price, Govt. of India

3) Prof. Gunmadi Nanchariah, Dean, School of Economics, University of Hyderabad

4) Chief Secretary, Govt, of Punjab or his representatives

5) Chief Secretary, Govt, of Chhattisgarh or his representatives

6) Pu C. Vishwanath, Chairman & Managing Director, FCI., Convener leh

7) Pu Ram Sewak Sharma, Secretary (Electronics & IT) Special Invitee te an ni a.

Pu. P.P. Singh, Executive Director leh Shri Rajesh Singh, DY. General Manager, FCI Hqrs., New Delhi ten an rawn tawiawm. Bawk a ni.

Heng mi pawimawh lokal te hian hmarchhak State a Supply Department Secretary-lian te leh sawrkar mi pawimawh te hnenah an hmalakna leh rawtna hrang hrangte hrilh hriatna hun an hman hmasak hnu in Hmarchhak mite mamawh leh harsatna hrang hrang bakah rawtna te NortEast States F&CSD Secretary-te hnen atangin an dawngsawng a. Mizoram, Assam, Arunachal Pradesh, Manipur, Nagaland leh Tripura state Food Secretary-te hian Power Point hmangin an state theuh hmalakna leh mamawh bakah rawtna hrang hrang an neih te an sawifiah a ni.

Mizoram aiawh a thusawitute chuan Mizoram mawmawh hrang hrangte High Level Committee hma ah an thlen a. heng zingah hian - FCI Depot (Godown) tarn zawk sak a tulna te, Tanhril FCI FSD (Kudam) thlakna tur in Sihhmui ah 20,000 MT Godown sakna tur a Mizoram Sawrkar in ram ruak a ruatfel tawh FCI hnena proposal a thawn tawh chu hma la chak tur a ngenna te, National Food Security Act, 2013 hman hun a NFS Act 2013 in a huam ve loh te tan buhfai ruahman sak tura ngenna te, Hill State Transport Subsidy (HSTS) bill tarn tham tak FCI hnena la tangkhang chu arang lam a pe chhuak tur te, HSTS Bill awlsam zawka pek dan ruahmanna te, Mizoram chhung (Aizawl) a FCI Regional Office leh Aizawl leh Lunglei a FCI District Office dah tur chungchang te leh FCI FSD/Godown hawn belh tur chungchang te a tel a.Heng bakah hian Mizoram in Central atanga normal TPDS buhfai thlatin-a adawn 52210.00 Qtls chu 80000.00 Qtls a tihsan sak tura ngenna te, Mizoram Godown hrang hrang HSTS bill theihloh te bill theih tur a ruahman siam remtih sak tur te leh Mizoram atana thil pawimawh hrang hrang te an thlen a ni.

Meeting zawh ah hian Supply Minister Pu John Rotluangliana chuan khualtha te pual hian Cultural programme leh zanriah a buatsaihsak nghal a ni.