16th Lok Sabha din a nih hnu ah Champhai District-a District Level Vigilance and Monitoring Committee on Rural Development Programmes thutkhawm hmasa ber chu vawiin khan Champhai DC Conference Hall-ah an Chairman Pu C.L. Ruala, MP (Lok Sabha) hovin neih a ni. He hun hi Parliamentary Secretary Pu T.T. Zothansanga'n telpuiin, Pu Zoengsanga, Addl. DC Champhai, Pu V. Lalengmawia, Deputy Secretary, DRDA-te bakah member-te an kim hle a ni.

Chairman Pu C.L. Ruala chuan Vigilance and Monitoring-in a tum ber chu Sorkar laipuiin phal taka mi retheite dawmkanna tur sum a rawn pekchhuah chu tangkai leh fel taka hman a ni em tih enfiah a nih thu sawiin, member-te chu mi harsate chhawmdawl tura hmachhuan an nih angin theihtawp chhuaha thawk zel turin a fuih a. Rural Development hnuaia hna te hi beneficiary thenkhat chuan hna thawklo pawha hlawh lak tho na tur anga ngaiin hnathawh zawm tumlo mai te an awm thin thu a sawi a; heng hmalaknate h ei tling siam tumna a nih chu a zar zotu mipuiten an hriatthiam a beisei thu leh, hemi kawngah hian inhrilhhriat nasat leh zual a pawimawh thu Chairman chuan a sawi bawk.

DRDA Project Director Pu C.C. Lalchhuangkima chuan Champhai chhunga Rural Development hmalakna hrang hrangte chu tarlangin, heng hna thlen chin leh kalpui dante sawiho a ni.

Vawiin meeting-ah hian MGNREGA, IAY, IWDP, IWMP, BADP, BRGF bakah PWD, PHE leh Total Sanitation Campaign hmalakna te thlirho a ni.