Vawiin khan I&PR Auditorium ah NIELIT, ICTD leh ZENICS tangrual chuan ‘Awareness creation in e-governance’ tih thupui a hmangin NIELIT zirlaite tan E-Governance chungchang zirhona leh Information Technology kaihhnawih thil a sawrkar hmalakna hrang hrang te an hriatchian zawk nan zirtirna hun an buatsaih a.

He hun hmanpui tu ICT Secretary Pu. C.Lalhmachhuana chuan zirlaiten mahni subject an hriatchian viau lain sawrkar kalphung hriatchian tumna an tlachham deuh niin a lang a. Hemi kawngah hian tan lak a ngai a, tunlai khawvel ah Sawrkar leh organization hrang hrangah te IT hman tangkaina a awm vek tawh a. IT zirlai thiam tak tak te chu hman tangkai an nih theih nan e-Governance kalphung an chian a ngai a ni a ti.

E-Governance workshop ah hian ICT, NIELIT leh ZENICS a thawk mithiam ten zirlaite hi E-governance ziarang leh a pawimawhna te an hrilh a. Central leh State sawrkar hnathawhte leh a hlawhtlin nana mipui pawimawhna leh IT hmantangkai a tulna te an zirtir a ni.