Vawiin khan Saikuti Hall (Ground floor), Lunglei-ah ‘BROLAD Group Exhibition of Paintings’ chu Pu C.Lalruaia, Commandant 2nd MAP, Lunglei-in a hawng a. BROLAD Painting Exhibition hi 28-31 October, 2014 chhung neih a ni dawn a ni.

Exhibition hawnna Pu L.T. Zohranga kaihhruaiah Pu C.Lalruaia chuan thusawiin Lunglei-ah hetiang Painting Exhibition buatsaih a nih theih chu a lawmawm hle a, chhimlam tan Art lamah hmasawnna ke pen thar a ni, a ti. Art reng reng chu a ngaihna hria ten an hlut thin a, Art Exhibition hrang hrang neih thin chuan a tirah chhimtu ngah lo mahse zawi zawiin a hlutna cvhang hriate an pung zel dawn a, chuvangin Mizo artists-te chu rilru tihnual lo turin a fuih bawk a ni. BROLAD Group of Painters aiawhin Pu Rosiamliana Ralte chuan an pawl irhchhuah dan tlangpui leh an hmalakna chungchang a tarlang a.

BROLAD Group hi Mizo zinga pawh lar tak, lemziak thiam mi 4 - Rosiamliana Ralte, Lalrinliana, C.Lalbiaktluanga (BT-a) leh David Ralte - te tangkawpa din a ni a. Vawiin painting Exhibition-ah hian heng lemziak 4 te kutchhuak painting 65 lai phochhuah a ni a. Ni 4 chhung awh tur he Painting Exhibition hi mi zawng zawng rawn chhim turin a buatsaihtute chuan an ngen a ni.