1097/2026-2027
Dated Aizawl, the 20th June 2026 : Mizoram chhunga FCI kudam hrang hrangah June 20, 2026- a Buhfai leh Wheat- stock awm zat chu 24,858 MT; Buhfai – 23,862 MT leh Wheat – 996 MT a ni.
Furpui vanglaia mipuiin ei tur an tlakchhawm loh nan leh stock a awm reng theih nan, Mizoram lamah rail hmangin Buhfai leh wheat rawn phurh mek a ni a. Hei hi Bairabi railhead (FSD Bualpui, Kolasib leh Bairabi) leh Sairang railhead (FSD Sairang, Aizawl, Lunglei leh Lawngtlai) kaltlangin a lo thleng thin.
Tun hnaiah hian rail hmangin June leh July 2026 chhunga buhfai lo kal tur leh kal mek zat hi 20,032 MT a ni a. Tun dinhmuna stock awm zat hi a thahnem tawk hle a, 24,858 MT stock hian National Food Security Act (NFSA) leh welfare scheme dangte Mizoram pum mamawh thla 4 vel chhung daih thei tura ngaih a ni. Thla tin atana NFSA leh welfare scheme mamawh zat chu: Rice – 6,209 MT Wheat – 123 MT a ni a. Stock awm mek leh ruahman sa lo kal turte hi safety buffer norm aiin an thahnem zawk a ni.
FCI chuan Mizoram Sawrkar tan mamawh aia tam mah pe thei turin Open Market Sale Scheme – Domestic (OMSS-D) hnuaiah e-auction tel lovin Bufai a pe a, hei bakah hian, June thla atan Buhfai 3,000 MT chu sem tura ruahman ni tawhin chu mi tihlawhtling tur chuan rail rake dang 2,600 MT pawh chah belh tum a ni.
FCI chuan ei leh bar lo luh dan hi nitin a thlithlai reng a, mipuiten eitur tha an ei theih nan a chhekkhawlna storage facility-te pawh a tha thei ang berin a enkawl mek a ni.
