Nimin khan Food, Civil Supplies & Consumer Affairs Department chuan tunhnaia POL control chungchang sawifiahin Sorkar hmalakna te mipui hnenah an hriattir.
FCS&CA chuan thuchhuah siamin May thla chanve vel atang khan Aizawl-ah Petrol leh Diesel oil stock a tla hniam a. A chhan hrang hrang te chu Meghalaya-a 18.5.2010 atanga darkar 72 bandh te, North Cachar Hills-a 17.5.2010 atanga darkar 60 bandh te, Sonapur leimin te bakah Mizoram State pawn lama sumdawn nan a phurh chhuah tam lutuk te hi a ni a ti. Hetih lai hian tualchhung pawimawh hna thawktu motor te, buhfai phur tak takte pawh Petrol pump-a oil la thei lovin an mangang hle tih report leh complaint tam tak dawn a ni a. Hengte avang hian Aizawl a POL awm chhunte renchem tak a hman ngaiin sorkarin a hria a, motor pakhat a lak theih zat bituk siamin Petrol pump-te hriattir an ni a, thu zawm lo thenkhatte avangin Supply Enforcement Squad-te bakah Mizoram Police-te hial ruaiin duty a ngai ta a ni a ti.
Oil supply rel leh kawngpui lam atanga rawn kal a mumal deuh a hriat anih hnuah FCS&CA Department Officer-te leh I.O.C. lam hotute Pathianni 23.5.2010-ah Director chenna in-ah in hmu khawmin 24.5.2010 (Monday) atangin khuahkhirhna hawng zau turin thutlukna siam a ni a, limit siam lovin motor tanky full phal chhoh a ni ta a. Oil din hmun a that chhoh zel dan enin khuahkhirh tul tawh lo niin sorkarin a hria a, 27.5.2010 ah thu tlukna siamin 28.5.2010 ah Sorkar chuan Order siam lehin khuahkhirhna a hlip ta a ni.
He tih lai hian sorkar leh FCS&CA Department pawh engmah hrilh lovin oil pump neitute (AMPDA) chuan dt.28.5.2010-ah an pump an khar vek ringawt mai tih Department-in a hriatin a bangbo hle a. Nodal Department-ah ziaka an harsatna thu emaw an duh dan thlen hmasak emaw, inbiakna emaw pawh awm lova ' Petrol Pump khar' atanga tan ngawt mai hi chu 'Nodal Department' pawisak lohna a nih bakah mipui-te zah lohna lian tak niin a ngaih theih a ni a ti.
FCS&CA chuan POL hi 'Control item' a nih dan sawifiahin Essential Commodities Act 1955 hnuaiah Control Order fel tak Govt.of Mizoram-in a siam a, The Mizoram Trade Articles (Licensing & Control Order) 1987-te leh The Mizoram Motor Spirit and High Speed Diesel (Prevention of Malpractices in Supply and Distribution) Order 1992-te behchhana POL te hi control an nih thu an tarlang a, heng Control Order te hi mitin in hre chiang tura an duh thu an tarlang bawk.
Oil supply rel leh kawngpui lam atanga rawn kal a mumal deuh a hriat anih hnuah FCS&CA Department Officer-te leh I.O.C. lam hotute Pathianni 23.5.2010-ah Director chenna in-ah in hmu khawmin 24.5.2010 (Monday) atangin khuahkhirhna hawng zau turin thutlukna siam a ni a, limit siam lovin motor tanky full phal chhoh a ni ta a. Oil din hmun a that chhoh zel dan enin khuahkhirh tul tawh lo niin sorkarin a hria a, 27.5.2010 ah thu tlukna siamin 28.5.2010 ah Sorkar chuan Order siam lehin khuahkhirhna a hlip ta a ni.
He tih lai hian sorkar leh FCS&CA Department pawh engmah hrilh lovin oil pump neitute (AMPDA) chuan dt.28.5.2010-ah an pump an khar vek ringawt mai tih Department-in a hriatin a bangbo hle a. Nodal Department-ah ziaka an harsatna thu emaw an duh dan thlen hmasak emaw, inbiakna emaw pawh awm lova ' Petrol Pump khar' atanga tan ngawt mai hi chu 'Nodal Department' pawisak lohna a nih bakah mipui-te zah lohna lian tak niin a ngaih theih a ni a ti.
FCS&CA chuan POL hi 'Control item' a nih dan sawifiahin Essential Commodities Act 1955 hnuaiah Control Order fel tak Govt.of Mizoram-in a siam a, The Mizoram Trade Articles (Licensing & Control Order) 1987-te leh The Mizoram Motor Spirit and High Speed Diesel (Prevention of Malpractices in Supply and Distribution) Order 1992-te behchhana POL te hi control an nih thu an tarlang a, heng Control Order te hi mitin in hre chiang tura an duh thu an tarlang bawk.
