Mizoram Food & Allied Industries Corporation Limited (MIFCO) chuan kut hnathawka eizawng ten hamthatna chi hrang hrang an dawn theih nan nasa takin tan a la zel a. A bik takin Sapthei chingtute dinhmun thlir chungin 20.11.2009 khan SHIMLA HILLS OFFERINGS Pvt. Ltd. (SHOP), Himachal Pradesh te Sapthei tui fir (Passion Fruit Juice Concentrate) lei leh hralh chungchangah inremna a lo siampui tawh a ni.
MIFCO-in SHOP Pvt. Ltd. te inremna a siampui ngamna chhan hi Sapthei chingtute hmakhaw ngaihna avang leh Sapthei herna khawl, Super Passy Press, darkar khata 25 qtls. her thei, kum khatah 40000 quintals/4000 MT leh Sapthei tui fir siamna leh dahna khawl Passion Fruit Concentrator leh Aseptic Packaging Unit te chawm thei tura Sapthei chingtute beiseina neih vang a ni. Tun kum kal lai mek, 31st May, 2010 thlenga Sapthei lei tur an hmuh hi khawl chakna atanga teh chuan darkar sawm thawh tham chauh a nih avangin, MIFCO chuan Agreement an ziahpui SHOP Pvt. Ltd. te duh ang zat pek a nih theih nan Sapthei chingtute nasa zawka tan la turin a ngen a. A man thu ah pawh harsatna an tawh loh nan MIFCO chuan theihtawp a chhuah zel dawn a ni.
