Vawiin khan Food Civil Supplies & Consumer Affairs Department chuan Pu John Rotluangliana, Minister leh Pu TT Zothansanga, Parliamentary Secretary hoin kumthar inhlantharna hun Directorate Conference hall ah an hmang a. He hun hi KVI Board Chairman Pu K. Lianzuala pawhin a hmanpui a ni.

Minister chuan FCS & CA hnathawktu te chu mipui rawngbawltu an nih hre reng tur leh phur tak leh dawr nuam taka hnathawk turin a chah a. Special permit reng reng chu thuchhuah awm tawh sa anga tih tawp zel a ni ang a. Khuarel chhiatrupna avanga mamawhna a awm loh chuan special permit hi tumah ziah sak a tum loh thu a sawi bawk a ni. Hnathawktute pawhin transfer leh posting chungchangah mahni hamthatna um lovin sorkar-in a dahna hmunah theuh lungrual taka an thawh zel a ngai a ni, a ti.

Thusawitu dang FCS & CA Parliamentary Secretary pawhin FCS & CA hnathawktute chu a tul dan ang zela insiamtha thin turin a chah a. Sorkar thu pawimawh te vawng tha a, a hun hmaa puangchhuak miah lo turin a hriattir bawk a ni.

He infuih tharna hun hman anih hnu hian Minister leh Parliamentary Secretary te hian Zuangtui Godown leh Tanhril Godown te an tlawh nghal a ni.