Vawiin khan Supply Minister Pu K. Lalrinliana kaihhruaiin a office chamber ah Food, Civil Suppplies & Consumer Affairs department hotute leh Indian Oil Corporation Ltd. (IOCL) official ten Mizoram a Gas Bottling Plant leh Oil Depot siamna tur atan a ram buatsaih chung chang leh Gas supply tih that dan tur an sawiho.

Vawiin inkawmhona ah hian Mizoram sawrkarin Gas Bottling plant leh Rail in a chawm tur Oil Depot siam tura Union Minister for Petroleum & Natural Gas Pu Dharmendra Pradhan hnenah leh IOCL hnena dilna a thehluh chungchang  sawiho a ni a, a siamna hmun tur a Mizoram sawrkarin a ruahman Bairabi ami chungchang te sawi ho niin, ram hi Supply Department official te leh IOCL hotute hian naktukah an en ho nghal dawn a ni. IOCL hotute hi Mizorama gas supply chungchang a  harsatna awm thin leh hnianghnar zawk a Mizoram in gas supply a hmuh theih dan tur te sawi ho pui an ni a, kawng min/leimin bakah Mizorama gas phurh luh chungchanga harsatna dang chi hrang hrang thleng thin te pumpelh dan tur te sawi ho a nih bak ah, Aizawl ah gas agent dah belh a tul thu te sawi pui an ni bawk. IOCL hotute chuan heng harsatna awm thin te hi uluk taka an lo zirchian nghal tur thu an sawi a, area/bial khat a consumer awm dan a zirin Indane Agency dah belh dan tur te pawh lo en nghal turin hma an lak tur thu an sawi bawk a ni.

Vawiin inkawmhona ah hian Supply Department aiawhin Commissioner/Secretary Pu H.L.Rochungnunga, Director Dr. Lalhriatzuali Ralte leh officer engemawzat an tel a, IOCL atang hian Pu Rajib Barai, Chief Manager (LPG engineering) Assam Oil Division leh N.C. Borah Dy. General Manager (Operations) Assam Oil Division te an tel a ni.

Attachment

  • Loading attachment...