1165/2022-2023
Kolasib dated 6th July 2022: Vawiin chawhma khan Taitesena Hall, Venglaiah Mizo Hmeichhe Insuihkhawm Pawl (MHIP), Venglai Branch, Kolasib buatsaiha MHIP Day vawi 48-na lawmna hun chu Pu K.Lalrinliana, Minister, Food, Civil Supplies and Consumer Affairs Department chuan khuallian niin a hmanpui a, Pi H.B. Lalparmawii, President, MHIP, Venglai Branch chuan hun a kaihruai a ni.
Minister Pu K.Lalrinliana chuan July ni 6, 1974 ațanga MHIP din țan a nih dan tarlangin Kolasibah branch 70 an mek thu a sawi a. Tlawmngai pawl, midangte tanpui tur a hmeichhe intel khawm, khawtlang nun tinuamtu pawimawh tak an nih thu a sawi a. Mizo hmeichhia kum 14 chin chu member an nih theih rualin MHIP inkaihhruaina hnuai ah chhungkua, khawtlang leh hnam anga hmasawnna tur a member-te zawm tur thil pawimawh tak tak a awm thu a sawi. Chhungkua leh pawl anga hnathawhna hrang hrangahte kristian kan nihna a tak a tilang zel turin Minister chuan kalkhawmte a chah a, ram leh khawtlang siam țhat nana mawhphurhna pawimawh tak chelhtu chu MHIP member-te an nih thu a tarlang bawk a ni. Ruihhlo dona kawngah leh hnam humhalhna kawngah hmeichhiate an pawimawh thu tarlangin Mizoram chhiarpuiah pawh mipa aia hmeichhe tam zawkna ram kan nih angin hmeichhe tha thawh ve tawhna chuan awmzia thui tak a neih țhin thu a sawi. Hmeichhiate dinhmun chawikan nan leh an dikna chanvo humhalh nan Sawrkarin dan hrang hrang a duan te hriat leh zirchian a țul chu Pu K.Lalrinliana chuan sawiin heng dan avangte hian hmeichhe dinhmun pawhin hma a sawn phah hle tih a sawi.
Hnam tlemte kan nih angin hmasawnna tur kawng tam tak hmachhawp a awm thu a tarlang a, chung hmachhawp tihhlawhtlin nan chuan mihring kan pun chak a țul thu leh chumi tur chuan hmeichheite an pawimawh thu Minister chuan a sawi bawk a ni.
Pu B.Lalremliana, Vice President, MUP, Venglai branch chuan khawtlang nuam siam tur chuan pawl hrang hrangte thawh hona a pawimawh thu sawiin MHIP Day pualin MHIP Venglai branch-te hnen ah thilpek a hlan bawk a ni.
MHIP Day lawmna hun ah hian Tlanglam entir niin HIMNA MADAT chungchang leh District Child Protection Office hnuai a Hmeichhia leh naupang chanvo venhimna kawnga hriattur pawimawh hrang hrangte ngaihthlak a ni.
FCS & CA MINISTER-IN KOLASIBAH MHIP DAY LAWMNA HMANPUI
Kolasib dated 6th July 2022: Vawiin chawhma khan Taitesena Hall, Venglaiah Mizo Hmeichhe Insuihkhawm Pawl (MHIP), Venglai Branch, Kolasib buatsaiha MHIP Day vawi 48-na lawmna hun chu Pu K.Lalrinliana, Minister, Food, Civil Supplies and Consumer Affairs Department chuan khuallian niin a hmanpui a, Pi H.B. Lalparmawii, President, MHIP, Venglai Branch chuan hun a kaihruai a ni.
Minister Pu K.Lalrinliana chuan July ni 6, 1974 ațanga MHIP din țan a nih dan tarlangin Kolasibah branch 70 an mek thu a sawi a. Tlawmngai pawl, midangte tanpui tur a hmeichhe intel khawm, khawtlang nun tinuamtu pawimawh tak an nih thu a sawi a. Mizo hmeichhia kum 14 chin chu member an nih theih rualin MHIP inkaihhruaina hnuai ah chhungkua, khawtlang leh hnam anga hmasawnna tur a member-te zawm tur thil pawimawh tak tak a awm thu a sawi. Chhungkua leh pawl anga hnathawhna hrang hrangahte kristian kan nihna a tak a tilang zel turin Minister chuan kalkhawmte a chah a, ram leh khawtlang siam țhat nana mawhphurhna pawimawh tak chelhtu chu MHIP member-te an nih thu a tarlang bawk a ni. Ruihhlo dona kawngah leh hnam humhalhna kawngah hmeichhiate an pawimawh thu tarlangin Mizoram chhiarpuiah pawh mipa aia hmeichhe tam zawkna ram kan nih angin hmeichhe tha thawh ve tawhna chuan awmzia thui tak a neih țhin thu a sawi. Hmeichhiate dinhmun chawikan nan leh an dikna chanvo humhalh nan Sawrkarin dan hrang hrang a duan te hriat leh zirchian a țul chu Pu K.Lalrinliana chuan sawiin heng dan avangte hian hmeichhe dinhmun pawhin hma a sawn phah hle tih a sawi.
Hnam tlemte kan nih angin hmasawnna tur kawng tam tak hmachhawp a awm thu a tarlang a, chung hmachhawp tihhlawhtlin nan chuan mihring kan pun chak a țul thu leh chumi tur chuan hmeichheite an pawimawh thu Minister chuan a sawi bawk a ni.
Pu B.Lalremliana, Vice President, MUP, Venglai branch chuan khawtlang nuam siam tur chuan pawl hrang hrangte thawh hona a pawimawh thu sawiin MHIP Day pualin MHIP Venglai branch-te hnen ah thilpek a hlan bawk a ni.
MHIP Day lawmna hun ah hian Tlanglam entir niin HIMNA MADAT chungchang leh District Child Protection Office hnuai a Hmeichhia leh naupang chanvo venhimna kawnga hriattur pawimawh hrang hrangte ngaihthlak a ni.
Attachment
- Loading attachment...
