1166/2022-2023

Mamit 6th July, 2022 : Shri. V. Muraleedharan, Hon'ble Minister of State for External Affairs and Parliamentary Affairs, Govt. of India chuan vawiin khan Mamit tlawhin Mamit khawpui chhunga Sorkar Department hrang hrang hotute, Khawtlang hruaitute bakah tlawmngaipawl hrang hrang aiawhte nen DC Conference Hall, Mamit-ah inkawmhona neih a ni a. CSS hnuaia Project hrang hrang kalpui dan thlirho a ni. 

Meeting-ah hian Pu Lalnunhlua, District Bawrhsap chuan Keynote Address pein Pu Lalsanglura, Aspirational District Programme Nodal Officer chuan Power point Presentation hmangin Mamit District (Aspirational District) dinhmun tlangpui a tarlang a. Hmasawn zelna tur kawng hrang hrangte sawiho zui nghal a ni bawk. 

Meeting-ah hian Shri. V. Muraleedharan, Hon'ble Minister chuan Aspirational District kan nih angin chawikan kan mamawh a. Kan District chawikanna tura Plan leh target siama theihtawpchhuah turin a chah a. Sorkar Department hrang hrang hnuaia hmalakna leh an harsatna te sawiho niin an harsatna thlente chu a theih ang anga DoNER Ministry leh a Concerned Ministry-ah thlen a, sutkianpui dan tur a ngaihtuahpui tur thu Minister hian a sawi a. Zawhna leh chhanna hun hman nghal a ni bawk. 

Vawiin thutkhawmah hian Minister hian CSS hnuaia beneficiaries te kawmin CSS beneficiaries te hian an harsatna hrang hrangte Minister hnenah hian an thlen nghal bawk a ni. 

Ruahman lawk ang chuan naktuk hian District Hospital, Anganwadi Centre - V, Govt. Mamit College, Govt. Mamit HSS bakah PMAY (U) leh PMUY hnuaia Benefiaciaries te tlawhin Minister hian hun a hmang chhunzawm ang.