Nimin khan Food Civil Supplies&Consumer Affairs Minister Pu H. Rohluna'n Mualkhang Gas Bottling Plant a tlawh.
Eirawngbawlna Gas thunchhawnna hmunpui Mualkhang Gas Bottling Plant tihlen dan tur ngaihtuaha kal Minister hian mipuite mamawh eirawngbawlna Gas hnianghnar taka pekchhuah a nih theih nan nasa takin sorkarin tan a lak thu a sawi a. Mualkhang a gas tam zawk dahkhawl a nih theih nan storage capacity tisang tura hma an lakna tarlangin kum kalta a peihfel tura ngaih ram neihbelh kawnga harsatna an tawh avanga peihfel mai a nih theih tak loh thu a sawi a. An hnathawh tikhawlkhamtu lian ber chu ram lak tur chhunga mimal LSC neite hnena compensation pek dan tur (mode of payment) a harsatna an tawh vang a ni, Minister chuan a ti a. He harsatna chingfel tur hian tan an lak mek thu a sawi a ni.
Mualkhanga Gas Bottling Plant- ah hian a ruala gas bur 12 tikhat thei khawl thar tha tak bun fel ni tawhin hman tan mek a ni a. He khawl hian minute 35 chhungin Truck trip khat daih Gas bur (Gas bur 306) a thunkhat thei a ni. Chutihrualin a hmunhma duhkhawp lohna avangin Gas bur thawn chhuah theih tur ang zat thawn chhuah theih a ni lova. Tun dinhmunah he Bottling Plant atang hian ni khatah Truck Trip 8 atangaTrip 9 thawn chhuah thin niin tihlen a nih hunah chuan Truck Trip 13 atanga 14 nitin a thawnchhuak thei ang. 100 Metric Ton dawng Gas tui dahkhawlna Bullet hman mek pawh 300 Metric Ton dawngthei tura tihlen a ni ang a. Borkhola Gas tui thunna nen a tangkawpin Mizoram hi eirawngbawlna Gas-ah hnianghnar taka chawm thei tawh tura ngaih a ni.
Minister hi KVI Board Chairman Pu K. Lianzuala, FCS&CA Jt. Director Pu Rokunga Ralte bakah Gas Distributors-te leh chanchinbumi thenkhat ten an tawiawm a ni.
Mualkhanga Gas Bottling Plant- ah hian a ruala gas bur 12 tikhat thei khawl thar tha tak bun fel ni tawhin hman tan mek a ni a. He khawl hian minute 35 chhungin Truck trip khat daih Gas bur (Gas bur 306) a thunkhat thei a ni. Chutihrualin a hmunhma duhkhawp lohna avangin Gas bur thawn chhuah theih tur ang zat thawn chhuah theih a ni lova. Tun dinhmunah he Bottling Plant atang hian ni khatah Truck Trip 8 atangaTrip 9 thawn chhuah thin niin tihlen a nih hunah chuan Truck Trip 13 atanga 14 nitin a thawnchhuak thei ang. 100 Metric Ton dawng Gas tui dahkhawlna Bullet hman mek pawh 300 Metric Ton dawngthei tura tihlen a ni ang a. Borkhola Gas tui thunna nen a tangkawpin Mizoram hi eirawngbawlna Gas-ah hnianghnar taka chawm thei tawh tura ngaih a ni.
Minister hi KVI Board Chairman Pu K. Lianzuala, FCS&CA Jt. Director Pu Rokunga Ralte bakah Gas Distributors-te leh chanchinbumi thenkhat ten an tawiawm a ni.
