2718/2022-2023
Kolasib dated 18th November 2022: Vawiin chhun khan Pu K.Lalrinliana, Minister of State, Food, Civil Supplies & Consumer Affairs Department, Kolasib Assembly Constituency bilatu MLA ni bawk chuan khum 100 awm theihna tur Kolasib District Hospital sak mek a tlawh a. Pu H.Lalnghinglova, Sr.EE, PWD Building Project Division-II, Chief Medical Officer, Kolasib leh M/S VRC Construction (I) Pvt. Ltd. a thawktute he hun ah hian telin Minister chuan District Hospital chu a nih dan tur ang tak a sak a nih theih nan vil uluk lehzual turin a chah.

Minister Pu K.Lalrinliana chuan District Hospital thar sak mek a hmanrua tha tawk lo a awm a nih chuan thawktute dim an nih loh tur thu sawiin chutiang thleng lo tur chuan hnathawktute chu tha tak a vilpui turin PWD, CMO leh thutharlakhawmtute a chah a. Fimkhur tak leh uluk tak a District Hospital satu tur pawh thlan an nih angin a sak dan tur duansa ang ngei a an sak chu an mawhphurna lian ber a nih thu Minister chuan a sawi. Hun rei tak ata Kolasib district mipuite tan a khum 100 awm theihna District Hospital nei tur a hmalakna kal mek ah hian Pu K.Lalrinliana chuan hmanraw tha tawk lo leh a nih dan tur anga thil kal lo a awm a nih chuan palzam a nih loh tur thu a sawi bawk a ni.

Khum 100 awm theihna Hospital hi NESIDS hnuai a Cheng nuai 1859.87 hmang a sak tur a ni a, hnathawh hun chhung tur hi thla 24 a ni. Motor hunna tur Basement, Ground Floor bakah chhawng thum a awm dawn a, mi 13 chuan theihna Lift dah a ni dawn bawk a ni. Hospital sak hna hi M/S VRC Constructions (I) Pvt Ltd, New Delhi-ten an thawk a ni.