Food, Civil Supplies & Consumer Affairs Minister Pu H.Rohluna chuan vawiin khan Paihte Students’ Welfare Associaion (Siamsin Pawlpi) Jt. Hqrs., Shillong ‘46th Siamsin Annual Conference-cum-1st NE Ethnic Students’ Cultural Gathering’, U Sosotham Auditorium, Central Library, Shillong-ah a hmanpui.

Khuallian FCS&CA Minister chuan zirlaite chu ram nghahfak dik tak an nih avangin thildang zawng zawng aiin an zirlai chu ngai pawimawh turin a hrilh. Shillong chu hnam chitin kalkhawmna a nih avangin inngeih taka awm a pawimawh hle a; nuam tawl chunga lehkhaa zirte chu hlawwhtling an awm ngai lo a ni, a ti a. Minister chuan Siamsin pawlpui tanpui nan Rs.10,000/- a hlan bawk.

Naktuk ni 24.11.2009 hian FCS&CA Minister chuan IOC General Manager Pu A.Pandhian chu Mizoram House-a lenga sawmin Mizoram thil mamawh gas leh petrol chungchang a sawipui dawn a ni.