Mizoram mamawh hrang hrang umzui tura New Delhi pana kal Mizoram Chief Minister Pu Lal Thanhawla chu November ni 21 khan Lengpui -Delhi thlawhtheihna chuanman tlawm chi Economy Class-ah a chuang a, a lo haw lehlamah pawh hetiang bawka lo haw leh hi a tum a ni.
Sorkar sum renchem zawnga kal hram hram chu Mizoram sorkar thil ngaih pawimawh hmasa a nih lantir nan hetianga kal hi a nih thu hriat a ni a. Hetiang hi sorkar mi pawimawh dangte pawhin ching ve se, sum renchemna kawnga insum hram hram inzirtirnaah rah duhawm tak a chhuah ngei a beisei thu Pu Lal Thanhawla hian a sawi a ni.
