Vawiin chawhna dar 10 khan Kolasib District tana Special Summary Revision of Electoral Rolls 2014 enpui tura ruat Pu R. Lalvena, IAS hovin DC Conference Hall-ah Election kaihhnawih official te leh party aiawh te, NGO te nen meeting neih a ni.

Pu R. Lalvena chuan Electoral Roll a thun tur leh paih tur chungchangah party aiawhte leh a mawhphurtu dangten tan kan laka taimak kan chhuah a ngai a ni, a ti a. Inthlan a hlat avanga inthlahdah mai lovin a hunlaia bengvar kan chhuah a ngai a ni, a ti.

Pu R. Lalvena FCS & CA Secretary nibawk hian Kolasib Supply department kudam a tlawh a; hnathawktute chu dik tak leh fel taka thawk tura fuihin, thil ti sualte chu dimdawi an ni lovang tih a hrilh. Pu R. Lalvena hian FCI Godown Rengtekawn pawh a tlawh nghal a; Mizorama petroleum leh oil rawn phur luttute motor endikna tur (Calibration Centre) dinna tur a enfiah nghal bawk a ni.