No.1611/2021-2022

Aizawl the 29th July, 2021 - Assam nena tunhnaia ramri buaina thleng avangin nitin mamawh chawkluhna kawngpui a ralmuang rih lova. Chuvangin, Food Civil Supplies and Consumer Affairs Department chuan vawiin khan thuchhuah siamin mipuite inrenchem taka khawsa rih turin a ngen.

Mizoram Sawrkar chuan mipui nitin mamawh POL leh LPG chu thenawm state dang atanga chawk luh tumin chak taka hmalak mek a ni a. Amaherawhchu, hnainghnar taka state-in a chawkluh thin zat ang tun dinhmunah a pha rih lo, tih FCS&CA thuchhuahah hian tarlan a ni a. Buhfai chawkluhna ber rel kawng pawh Assam ramchhungah tihchhiat a ni bawk avangin hun rei vak lo chu buhfai thlen hun pawh a fan deuh rih dawn nia rin a ni a. Chhung tin te theihtawpa inrenchem theuh tur leh mamawh bak a chuang liam chheprelh lo turin Mizoram mipuite Department chuan a ngen a ni.

COVID-19 hripui avangin Mizoramin inkhuahkhirhna khauh tak a kalpui mek a. Sawrkar inkaihhruaina zulzuiin FCS&CA Department chuan nitin mamawh te leh emergency thila Department dawr duh te tan a hnuaia tarlanah hian online-a dawr theihna tur ruahmanna siam a ni.