No.1610/2021-2022

Lunglei the 29th July, 2021 : Lunglei District chhunga pangang khawitute chuan kumin 2021 atan a vawi 3 nan vawiin atang khan an thar chhuah Cocoon te chu Sericulture Department-ah an hralh tan.

Lunglei District chhungah hian Pangang khawi chhungkua 480 awm mekin chhungkaw 70 te chuan Muga (Nauthak) pangang an vulh a, chhungkaw 380 te hian Mulberry Pangang vulhin chhungawk 30 in Eri pangang an vulh bawk a ni. Vawiina Sericulture Department-in a lei sak te hi Thuampui leh Vanhne kuthnathawktute tharchhuah Mulberry Pangang niin a vaiin 130 kgs a ni a, kg khat hi Rs.300 in an lei sak zel a ni.

Lunglei-a Sericulture Department hotute chuan Pangang khawitute hnenah hian a chi leh In sakna bakah damdawi leh hmanraw hrang hrang a thlawn veka an pek thin thu sawiin mulberry leh eri pangang hi kum khatah vawi 4 Cocoon thinin, Muga pangang hi kum khatah vawi hnih (2) a cocoon a, chungte chu harsatna engmah awm lovin an lei sak vek zel tih an sawi bawk a ni. Khaw danga kuthnathawktute tharchhuah lei chhunzawm zel tura an inpuahchah mek thu an sawi bawk.