No.1609/2021-2022

Aizawl the 29th July, 2021 : Vawiin chawhnu dar 1:00PM khan DRDA Conference Room-ah DC charge la mektu leh Project Director,DRDA ni bawk Pu B.Lalchhawntluanga hovin Indepence Day Celebration Committee member ten Independence Day vawi 75-na, hman dan tur an rel.

Chairman Pu B.Lalchhawntluanga chuan, kan boruak tawn mekte enin he ni lo thleng tur hi nikum kan hman dan ang tho va, GAD,GoM in sawm tura min phal chin, Zirlai naupang tel lovin, Head of Offices te nena hman leh a tul dawn a ni, tiin thil awmzia a sawifiah hmasa a ni.

Meeting chuan Independence Day hi Circuit House kawtah, zinglam dar 10:30AM a hman turin a rel a, kum dang ang bawkin he ni pual hian Homes, Hospitals leh Jail-ah te thilpek pek leh ni se, tiin a rel bawk. Khuallian tur hi sawrkar thuneitu sang atanga ruahmanna a awm beisei a ni. Parade contingent an awm dawn lo va, khuallian Rashtrya Salute petu tur Arm contigent chauh an awm ang. Kan boruak tawn mek thlirin vawiin meeting chuan "At Home" tea party pawh neih lo mai ni se, tiin a rel bawk.

Mawhphurhna leh chanvo pawimawh hrang hrangte sem fel nghal a ni a. Chanvo leh mawhphurhna nei ten Preview meeting ni 12 August,2021 ah an nei ang.