No.3247/2019-2020
Tunlai hrileng mek Covid-19 avangin mipuite’n ei leh barah buaina an tawh lohna turin FCS&CA Department Champhai chuan theihtawp chhuahin hma a la mek zela, ei leh barah mipuite tan buaina a awm loh tur thu a chhuah. Tun dinhmunah Champhai District chhungah Buhfai Quintal 6934.39 awm mekin, a lo thleng zel dawn a. Mipuite’n harsantna an tawh lohna turin Champhai bialtu MLA pahnih; Pu TJ Lalnuntluanga, Law Minister leh Dr. ZR Thiamsanga, Vice-Chairman, Health & Family Welfare Board-te’n theihtawp chhuahin hma an la mek zel a, mipuite chi ai lo turin an ngen bawk a ni.
Petrol leh Diesel dinhmun pawh vawiin thlengin hetiang hi a ni.
Sl No | Name of Dealer | Petrol (Litres) | Diesel (Litres) |
1 | Mizofed | 15000 | 16000 |
2 | RD Filling Station | 1650 | 31000 |
3 | RD Petrol Pump | 6800 | 3200 |
4 | LTM Khawzawl | 6231 | 13164 |
| TOTAL | 44581 | 63364 |
Gas Cylinder dinhmun pawh hetiang ang hi a ni:
1. Mizofed - Bur 401
2. Ngopa - Bur 306
3. Hnahlan - Bur 306
Heng bakah hian Trip hnih kalkawngah a la thang mek a ni. FCS&CA Champhai chuan nitin mamawh chakkhai zuartute chu MRP aia sangin engmah hralhchhuak lo turin a ngen a. Dan bawhchhia an awm anih chuan ‘The Prevention of Black Marketing and Maintenance of Supplies of Essential Commodity Act 1980’ leh ‘Consumer Protection Act 2019’ hmanga hrem an nih tur thu a chhuah a ni.
