No.3589/2021-2022

Aizawl 7th January 2022: Vawiin chawhnu khan Mizoram Journalists' Association Golden Jubilee khuhhawnna chu MJA Press Club, Kolasibah hman a ni a, Pu K.Lalrinliana, Minister, Food, Civil Supplies & Consumer Affairs Department chu khuallian niin Pu K.Laldawngliana, MLA, Tuirial AC chu khual zahawm a ni bawk a ni.

Minister Pu K.Lalrinliana chuan mipuite rilru thui tak a kaihruai theitu pawimawh berte chu Chanchinbumite an nih thu sawiin ramin hma a sawn theih nan Sawrkar nen thawhhona țha tak neih a țul thu a sawi a. Hmalakna sawt zawk a awm theih nan a țul apiangah sawrkara thawktute finchhuahtu ni turin a chah bawk a ni.

Pu K.Laldawngliana, MLA chuan MJA chu Golden Jubilee hial lawm thei tawh pawl upa leh puitling a nih angin mipuite tan a thu dik leh țangkai thehdarhna kawngah rinawm tak a hna thawk chhunzawm zel turin MJA member, Kolasibte chu a chah a. Dr.H.Lalthlangliana, Deputy Commissioner pawhin thutharthehdarh hna pawimawhnate a tarlang bawk a ni.

Vawiin Jubilee khuhhawnna hun hi Pu R.Lalhmingthanga, President, MJA, Kolasib district-in a kaihruai a, Pu S.Lalhmachhuana, Prominent Journalist-in Kolasib district-a MJA din țan a nih dan chanchin tlangpui sawi zauna hun a hmang bawk a ni. Kolasib district-ah hian nitin chanchinbu chhuak 10 a awm a, MJA member 15 an awm  mek bawk a ni.