No.3590/2021-2022

Aizawl, the 7th January, 2022: Mizoram Journalists Association in kum 50 a tlin lawmna (Golden Jubillee) vawiin khan Serchhip District MJA ten an nei.

Jubillee lungphun hi bialtu MLA Pu Lalduhoma'n a hawn hnuah Jubillee lawmna inkhawm tawi Serchhip Press Club ah neih zui a ni a. A lawmna inkhawm hi Pu Kapliana Pachuau, President in a kaihruai a ni. He hunah hian khuallian Pu Lalduhoma chuan, Serchhip district Journalists te chu Jubillee duhsakna hlanin an thawhrimna leh mipuiten tana an inpekna hriatpuitu a nih thu a tarlang a. Mi harsa zawkte tana kum tina luangchhuak thin an nihna te chu a ropui hle a ni tiin Serchhip district MJA te a fak a. Theihtawp chhuah zui zel tura fuihin, Press Club tihchangtlunna turin MLA Fund atanga Rs. 5 lakh a pek tur thu a hrilh a ni. A lawmna inkhawm tawi an neih zawh hian Jubillee  zanriah an kilho a ni a, zan tir lamah Jubillee mei Serchhip Tarpi tlangah an det zui leh  bawk a ni.

Serchhip district ah hian MJA member 15 an awm mek a, an memberte enkawl chanchinbu 11 a awm mek a ni.

Attachment

  • Loading attachment...