No.3591/2021-2022

Aizawl, the 7th January, 2021: Vawiin khan Serchhip District Level Committee on Fire Prevention te chu an chairman Pu Kumar Abhishek, IAS, Serchhip bawrhsap hovin an thukhawm a. Fire Prevention Week, 2022 hman dan tur leh kumin thal chhunga kangmei laka inven dan turte an rel.

Pu Kumar Abhishek chuan, khua a thal chho tan leh dawn taa, kangmei laka kan ram a him theih nana thapui thawha inbuatsaih a lo hun leh ta a ni. Nikum lama ram kang vanga harsatna kan tawh dante rilrua hre chungin kuminah ruahmanna tha tak neih kan tum dawn nia tiin member kalkhawmte a sawm a. Pu Lalbiakchama Chawngthu, DFO, Thenzawl, Member Secretary ni bawkin kum hmasa lama hmalak dan leh State Level Committee rorel te sawi hawnna nei lehin kumina hmalak dan tur sawiho zui a ni.

Committee chuan kangmei tichhuaktute lakah a na thei ang bera dan hmanga hmalak leh khauh taka invenna dan kenkawh nise an ti a. Mipui inzirtirna chi hrang hrang pawh uar lehzuala neih tha an ti a, Disaster Zonal Officer zawng zawngte chu kangmei chhuah palha hma an lak nghal dan tur duansa (Action plan) neih tir ni se an ti bawk. Lo hal hun bituk khauh taka kenkawh te, meikawng sial ngei ngeina dan te leh khawtinte hmalak dan vil zui dan turte pawh an sawiho a ni.

Fire Prevention Week, 7th - 12th, February, 2022 a hman dan tur leh kangmei venna lama thawk tha khuate hnena lawmman siam leh te pawh an rel a ni.

Attachment

  • Loading attachment...