Nimin khan Food Civil Supplies and Consumer Affairs Minister Pu John Rotluangliana chuan a bial chhunga khaw pahnih, Hmunpui leh West Serzawl a tlawh.

West Serzawlah hian Public Meeting neiin Pu John Rotluangliana chuan Mizoram sorkar flagship programme chu mirethei zawk te dawm kan nan sorkar chuan a sem tawh a, a sem mek a, a la sem chhunzawm zel dawn bawk a ni, a ti. Sorkar chuan Mizo mipuite tapchhak thleng phak budget a duang a, Zoram dung leh vanga khaw tin deuhthaw hi development in a tlawh a ni, a ti a. Buhfai man chungchang pawh sawifiahin FCS&CA Minister chuan buhfai man hi central sorkarin a ti sang ve lo anga sawi awm chu thudiklo niin kum 2002 atang khan vawi tam tak a ti sang tawh a, chutichung chuan Mizoram sorkar chuan a la ti sang ve ngai lo, a ti a. Tun dinhmunah buhfai kg ah cheng 15 a tihsan a nih hian sorkar-in buhfai mana sum tam tak a senral zat atangin cheng vaibelchhe 4 chuang zet an humhim thei dawn a ni, Pu John Rotluangliana chuan a ti bawk.

Pu John Rotluangliana hi Reiek BDO Pu Zothanmawia Khiangte chuan a tawiawm a, nizan khan Aizawl panin a kir leh a ni.