Nimin (January ni 30, 2015) khan ram pum huapa "National Level Fire & Evacuation Drills in Schools" chu Chaphai District-ah pawh Champhai Higher Secondary School ah Fire and Emergency Department Champhai te kaihhruainain hman a ni a. He hun hi kum dangah pawh hlawhtling taka hman thin a lo nih tawh avangin kuminah pawh hian Ministry of Home Affairs-in India ram puma district tina school thlan bik pakhatah nei tura ruahmanna a rawn siam anga hman a ni.

He hunah hian Fire Safety Awareness neih a ni a, awarness hi Pu David Lalrammawia Principal, Champhai Higher Secondary School-in kaihhruaiin, Pu F.Lalchhandama, Station Officer, Fire and Emergency Dept. Champhai hnen atangin kangmei leh rikrum thil a hriat tur pawimawh te ngaihthlak a ni a, demonstration neih nghal a ni. Awareness neih zawhah Fire Evacuation Drill neih chhunzawm a ni bawk. Kangmei lo chhuah thuta chetlak dan tur hrang hrang a taka tihchhin a ni a, school zirlai leh zirtirtute team hrang hrangah inthenin mock drill hi an nei a ni.