FCS&CA Minister leh Kolasib bialtu MLA ni bawk Pu K. Lalrinliana chuan vawiin khan kolasib St. Joseph's Parish Hall ah Nepali Literature a mi chhuanawm Adivaki Bhanubhakta Acharya piancham vawi 205 na lawmna hun chu khuallian niin a hmanpui.

Khuallian chuan Gorkha te chu khawvel pum ah Hnam huaisen leh Hnam rinawm ti a hriatlar an ni a, khawi hmun ah pawh awm se midang tana hnawksak an ni lova thiantha siamtu an ni zel thei chu fakawm a tih thu a sawi a. Gorkha hnam nunze mawi entawn tlak tamtak a awm a, chung te chhawm nung zel se midang tan malsawmna nih chhunzawm zel turin duhsakna a hlan a ni.

Pu K.Lalrinliana chuan Gorkha te chu khawvel hmun hrang hrang bakah Mizoram ah ngei pawh an inzar pharh nasa hle a, Mizoram zalenna sual tu te zingah pawh an tel thu tarlangin an awm na apianga rilru nghet tak an pu thei chu fakawm a ti a, Mizoram intodelh theihna tur bakah Mizoram chu Ram nuam leh Ram hmasawna kan siam theihnan ngaihtuahna senga ke pen theuh turin kalkhawm te a sawm bawk a ni.

Bhanubhakta hi Nepali Literature hmasawn nana ke pen tu leh nasa taka hma la tu a ni tih tarlan ani a, Ramayan lehkhabu chu Nepali tawnga let tu niin Gorkha hnathlak hrang hrang te inpumkhat nana thawhhlawk tak ani bawk.

He hun hi Mizoram Gorkha Youth Association (MGYA) , kolasib branch huaihawt niin khawvel hmun hrang hrang ah pawh he hun hi hman ani a.  HSLC leh HSSLC exam a titha te bakah zirna kawng hrang hranga titha te chawimawina hun hman ani a, lam leh zai chi hrang hrang entir bawk a ni. MGYA hi Mizoram a Gorkha pawl lian ber niin kum 1976 khan din ani a, tun dinhmunah MGYA hian Aizawl khawpui chhungah branch 16 bakah kolasib leh Siaha ah te Sub Hqrs neiin  member 3000 vel an awm mek a ni.

Attachment

  • Loading attachment...